წინათქმა ფილოსოფოსთა უმრავლესობისთვის „ ეგო “ - ცნობიერების ერთგვარი „ ბინადარია “ . ზოგი მათგანი თვლის, რომ იგი ფორმალურად მყოფობს Erlebnisse-ის ცენტრში, როგორც ერთიანობის ცარიელი პრინციპი. სხვები კი, განსაკურებით, ფსიქოლოგები, შესაძლებლად მიიჩნევენ მისი მატერიალური მყოფობის აღმოჩენას, როგორც სურვილებისა და აქტების ცენტრისა ჩვენი ფსიქიური ცხოვრების ყოველ მომენტში. ჩვენ კი შევეცდებით ვუჩვენოთ, რომ „ ეგო “ არც მატერიალურად და არც ფორმალურად არ მყოფობს ცნობიერებაში - ის გარეშეა, სამყაროში, როგორც სხვისი „ ეგო “ .