ჩეხოვთან ვითარება გაცილებით რეალისტურია. ცხოვრობდა თოლია ტბასთან, ის დაფრინავდა ტბაზე. იყო ლაღი, თავისუფალი და მშვენიერი. მერე, მოვიდა ერთი მოცლილი, უსაქმური ადამიანი და ისე, სრულიად არაფრის გამო მოკლა თოლია. მაგრამ ცხოვრებაში სხვაგვარადაც ხდება. მიდის, თავის შესაქცევად ტბასთან ადამიანი და, ერთ მშვენიერ დღეს, აღმოაჩენს, რომ თავადვეა თოლიისკენ მოზიდული ისრით განგმირული.