წინასიტყვაობა გამარჯობა ძვირფასო მკითხველო. რადგან შენ დაინტერესდი აღნიშნული წიგნით, ეს იმას ნიშნავს, რომ შენ დაფიქრდი შენს ფინანსურ მდგომრეობაზე და აღარ გაკმაყოფილებს ის ვითარება რომელშიც შენ ამჟამად იმყოფები. ეს წიგნი ნამდვილად სწორი არჩევანია, რადგან ის დაგეხმარება გადადგა პირველი ნაბიჯები შენი ფინანსური წიგნიერების ამაღლების* გზაზე და მოგცემს მოტივაციას იარო ფინანსური განათლების გზით.
ყველანი ვთანხმდებით იმაზე, რომ ფულის შოვნა როგორც წესი საკმაოდ რთულია. გაცილებით რთულია მისი დიდი ხნით შენარჩუნება და მითუმეტეს გამრავლება. სამწუხაროდ ადამიანების უდიდესი ნაწილი, არც კი დაფიქრებულა მსგავს საკითხებზე. ისინი თავისი შრომით და გარჯით ნაშოვნ ფულს ისე მარტივად და უმეტესწილად უმიზნოდ ხარჯავენ (ყოველდღიურად), რომ ბოლოს ყოველთვის უკვირთ ხოლმე, თუ სად წავიდა ამდენი ფული.
ალბათ შემიძლია ვივარაუდო, რომ ეს სიტუაცია ყველასათვის კარგად ნაცნობია.
მეორეს მხვრივ, როგორ უნდა დაიჯერო ის, რომ ადამიანები შეგნებულად ჩადიან ამგვარ ქმედებას და ხშირად რბილად რომ ვთქვათ დაუფიქრებლად ხარჯავენ მთელს თავის შემოსავალს ისე, რომ მათ არაფერი რჩებათ დანაზოგის სახით გადასადებად.
გაგიკვირდებათ თუ ვიტყვი იმას, რომ უმეტესწილად ეს სულაც არ არის მათი ბრალი. ყველაფერი კი, გაცილებით მარტივია და სწორი ფინანსური აზროვნებისა და ფინანსური წიგნიერების უკმარისობით არის განპირობებული. ამ ადამიანების უმრავლესობამ, არც კი იცის და არ დაფიქრებულა იმაზე, თუ როგორ უნდა მართონ საკუთარი შემოსავლები და ხარჯები, საკუთარი ფინანსები.
იმის გათვალისწინებით, რომ სკოლაში, კოლეჯში თუ შემდეგ უკვე უნივერსიტეტში. ჩვენ ყველანი ვიღებთ საკმაოდ მრავალფეროვან, თუმცა „ ზოგად “ განათლებას და გამოცდილებას, რომელიც ყოველდღიურ ცხოვრებაში, უმეტესწილად სრულიად გამოუსადეგარი არის როგორც წესი. ამავე დროს ჩვენ სამწუხაროდ საერთოდ ვერ ვიღებთ, ყოველდღიურ ცხოვრებაში უფრო მეტად საჭირო და აუცილებელ ცოდნას (მაგალითად, ფინანსურ განათლებას). იმისთვის, რომ შევძლოთ საკუთარი ფინანსების და ფინანსური მდგომარეობის სწორად და მარტივად მართვა. ეს სულაც არ არის გასაკვირი.
ამას ემატება ისიც, რომ ხშირ შემთხვევაში, მრავალ ოჯახშიც კი, ფულის თემა „ ნეგატიურ “ ემოციებთანაა დაკავშირებული და ჯერ კიდევ ერთგვარად „ ტაბუდადებულია ’ . ფულზე საუბარი, ასეთ ოჯახებში როგორც წესი, ძალიან პრიმიტიული, კონკრეტული საკითხებით შემოიფარგლება.
ასეთ ვითარებაში, ფინანსური განათლების მიღებაზე და სწორი ფინანსური აზროვნების ჩამოყალიბებაზე საუბარიც კი ზედმეტია. არადა მე ვსაუბრობ ისეთ საბაზისო (საწყის) ფინანსურ ცოდნაზე, რომელიც მარტივად შეგვაძლებინებდა საკუთარი ფინანსების უფრო წარმატებით და ყაირათიანად მართვას. ფულის სწორად განკარგვას. ფულის შენახვას. სწორი გზით დაბანდებას. ოჯახის ბიუჯეტის და ფინანსური გეგმის შედგენას და სხვა საკითხების გადაჭრას. დაგვეხმარებოდა თუნდაც ბანკთან ურთიერთობისთვის აუცილებელ, საბაზისო საკითხებში, ტერმინებში და ა.შ.
ამავე დროს, ჩვენს ირგვლის არსებობენ ადამიანები, რომლებიც უდავო „ პროფესიონალები “ არიან ისეთ ურთულეს სფეროებში, როგორიცაა მაგალითად: ფიზიკა, მათემატიკა, ორგანული ქიმია, ინჟინერია, მედიცინა, ინფორმაციული ტექნოლოგიები და მრავალი სხვა. ამავდროულად, ისინი სრულიად უსუსურნი და მოუმზადებელნი არიან, ფინანსების მართვას დაკავშირებულ, ძალზედ მარტივ და, ყოფით საკითხებში. ასეთი ადამიანები უმრავლესობა, ზრდასრულ ასაკშიც კი, ვერ ახერხებეს საკუთარი ფულის სწორად და მართებულად განკარგვას, ხარჯების აღრიცხვას დაკონტროლს. ფულის სწორად შენახვას და დაბანდებას. დანაზოგის ფორმირებას. ოჯახის ბიუჯეტის შედგენას და ა.შ.
ბანკთან ან რომელიმე სხვა საფინანსო ორგანიზაციასთან ურთიერთობისას, ისინი ვერ ხვდებიან ერთი შეხედვით ძალზედ მარტივ „ საბანკო―ტერმინების “ მნიშვნელობას და მიზანს (მაგალითად, ანუიტეტი, ეფექტური საპროცენტო განაკვეთი, კრედიტი და ა.შ.).
სწორად ვერ აღიქვამენ, საბანკო ხელშეკრულებაში გაწერილ პირობებს (ასეთი ადამიანების უმეტესობა კრედიტის ან იპოთეკის აღების დროს, ხშირ შემთხვევაში ვერც კი ხვდებიან რას და რა პირობებით აწერენ ხელს) და სხვა ფინანსურად მნიშვნელოვან საკითხებს. ამიტომ ყოველთვის მჯეროდა და მჯერა, რომ „ ფინანსურად განათლებული “ ადამიანი არა მარტო თავის სასარგებლოდ გამოიყენებდა მიღებულ ცოდნას, არამედ სახელმწიფოსაც გაუწევდა დიდ დახმარებას, თუნდაც იმით, რომ ქვეყანაში იკლებდა გადამხდელუუნარო ადამიანების რიცხვი, ასევე ჭარბვალიანობა და პირიქით მოსახლეობაში მოიმატებდა ფინანსური თვითშეგნების დონე და დოვლათი.
ამ მხრივ ეს წიგნი საინტერესო იქნება ბევრისთვის, რადგან ის დაწერილია ძალზედ მარტივი და უბრალო ენით, რომელიც განკუთვნილია „ ფინანსურად “ არაპროფესიონალი მკითხველისთვის. ის შეიცავს საინტერესო თეორიულ ნაწილს, პრაქტიკულ მაგალითებს და არ არის გადატვირთული რაიმე სახის განტოლებებით, მოსაწყენი გრაფიკებით ან რთული მათემათიკური გამოთვლებით. ვფიქრობ, „ ფინანსური განათლების “ საბაზისო საკითხებში გასარკვევად, თეორიული ნაწილი და კონკრეტულ მაგალითებზე აგებული თხრობა, მეტად აღქმადი და დასამახსოვრებლად ადვილი იქნება თქვენთვის.
წიგნის კონცეპცია
