შესავალი 1. ბრბოს იმპულსურობა, ცვალებადობა და გაღიზიანებადობა. ბრბო ყველა გარე გამღიზიანებლისადმია მოწყვლადი და მათ უწყვეტ ვარიაციებს ასახავს. - იმპულსები, რომლებსაც ბრბო ემორჩილება, იმდენად ძლიერია, რომ სრულად სპობს პირად ინტერესს. - ბრბოსთვის უცხოა წინასწარგანზრახულობა. - რასობრივი გავლენა. 2. ბრბო მიმნდობი და ჩაგონებისადმი მოწყვლადია. ბრბოს მორჩილება ჩაგონებისადმი. - გონებაში გამოწვეულ სახეებს ბრბო რეალობად აღიქვამს. - რატომ არის ეს სახეები იდენტური ბრბოს ყველა წევრისთვის. - ბრბოში სწავლული და უცოდინარი ადამიანის გათანაბრება. - მაგალითები სხვადასხვა სახის ილუზიებისა, რომლებსაც ბრბოს შემადგენელი ინდივიდები დაყვებიან. - შეუძლებლობა ბრბოს მიერ გაკეთებული ჩვენების რწმენისა. - მრავალი მოწმის ერთსულოვნება ერთ-ერთი უარეს მტკიცებულებათაგანია, რომელიც შეიძლება ფაქტის დასადასტურებლად იქნას მოხმობილი. - ისტორიულ ქმნილებათა დაბალი ღირებულება. 3. ბრბოს განცდის გაზვიადება და უეშმაკობა. ბრბო არ უშვებს ეჭვებსა და გაურკვევლობას და ყოველთვის უკიდურესობამდე მიდის. - ბრბოს განცდები ყოველთვის გადაჭარბებულია. 4. ბრბოს შეუწყნარებლობა, დიქტატი და კონსერვატიზმი. ამ განცდათა მიზეზები. - ბრბოს მონური ქედმოხრა ძლიერი ავტორიტეტის წინაშე. - წამიერი რევოლუციური ინსტინქტები ხელს არ უშლის ბრბოს იყოს უკიდურესად კონსერვატული. - ბრბო ინსტინქტურად ეწინააღმდეგება პროგრესსა და ცვლილებებს. 5. ბრბოს ზნეობა. ზნეობა ბრბოსი, რომელიც ჩაგონების ქვეშ მოქმედებს, შესაძლოა მნიშვნელოვნად აჭარბებდეს ან ნაკლები იყოს მის შემადგენელ ინდივიდთა ზნეობაზე. - განმარტება და მაგალითები. - ბრბო იშვიათად ხელმძღვანელობს ინტერესის შეხედულებებიდან, რომლებიც ხშირად იზოლირებულ ინდივიდთა ექსკლუზიურ მოტივებს შეადგენს. - ბრბოს მორალიზებადი როლი.
გამოვყავით რა ბრბოს ძირითადი მახასიათებლები ზოგადად, დროა მათ დეტალურ შესწავლას შევუდგეთ.
უნდა აღინიშნოს, რომ ბრბოს განსაკუთრებულ მახასიათებლებს შორის, როგორიცაა იმპულსურობა, გაღიზიანებადობა, მსჯელობის უნარის არქონა, საღი აზრისა და კრიტიკული სულის არარსებობა, განცდათა გაზვიადება და ა.შ. - თითქმის ყოველთვის გვხვდება ევოლუციის დაბალი საფეხურის წარმომადგენლებს - ქალებს, ველურებსა და ბავშვებს შორის. თუმცა მე ამ ანალოგიას მხოლოდ სხვათა შორის ვუსვამ ხაზს. აღნიშნულის დემონსტრირება სცდება წინამდებარე ნაშრომის ფარგლებს. გარდა ამისა, მათთვის, ვინც პრიმიტიულ არსებათა ფსიქოლოგიას იცნობს, ეს უსარგებლო იქნებოდა, მეორეს მხრივ კი რთულად თუ დაარწმუნებდა მათ, ვისთვისაც ეს საკითხი უცხოა.
ახლა კი გადავდივარ ბრბოთა უმრავლესობისთვის დამახასიათებელი განსხვავებული მახასიათებლების თანმიმდევრულ განხილვაზე.
ჩუქება
