ჰენრი ჯეიმზი (1843-1916) ამერიკული წარმოშობის ბრიტა­ნელი მწერალია, რომელიც 30 წლის ასაკიდან ცხოვრობდა ევრო­პაში, სიკვდილამდე ერთი წლით ადრე კი ბრიტანეთის ქვე­შ­ევრდომობა მიიღო. თავისი ლიტერატურული მოღვაწეობის 51 წლის მანძილზე მან 20 რომანი, 112 მოთხრობა და 12 პიესა დაწერა. ჯეიმზის ერთ-ერთი საუკეთესო ნაწარმოებია "ასპერნის წე­რილები", სადაც დიდი გონებამახვილობითა და იუმორით არის გადმოცემული ერთი კრიტიკოსის ამბავი – კრიტიკოსისა, რომელიც ცდილობს ხელში ჩაიგდოს უკვე გარდაცვლილი სა­ხელმოხვეჭილი ამერიკელი პოეტის წერილები, ოდესღაც თავის საყვარელს რომ სწერდა. კრიტიკოსი ცდილობს ვენეციაში გან­მარტოებით მცხოვრებ პოეტის მიჯნურსა და მის დისწულს დასტყუოს ეს წერილები, რასაც ხელს უშლის ორივე ქალი...