ამ ვაგონში მხოლოდ შუა რიგში მჯდომი გოგონა იჯდა ჩუმად და მატარებლის ფანჯრიდან იყურებოდა.მას არ აინტერესებდა ადამიანების შეხლა- შემოხლა. იგი არ იყო კარგ ხასიათზე და ჩუმ-ჩუმად მის წინ თავისუფალ ადგილს გახედავდა ხოლმე. მაჯლაჯუნასავით ედო კაეშანი გულზე. მისი სახელია თინა მაღლაფერიძე. 20 წლისა და ერევანში მამიდასთან იყო სტუმრად. ქალს გაეცნო სომეხი მამაკაცი შარშან ბათუმში და შეჰყვარებოდათ ერთმანეთი. ქორწილის მერე ახალშექმნილი ოჯახი სომხეთის დედაქალაქში ცენტრში მდებარე ხუთსართულიანი კორპუსის პირველ სართულზე დასახლდნენ საცხოვრებლად. სიყვარული ისეთი რამეა, რაც შეუძლებელს გაგაკეთებინებს. როდესაც ამ გრძნობით ივსები, თითქოს შენ შენ არ ხარ და ყველა ჭუჭყი და ნაგავი გარეთ გამოდის. ამ დროს ძალიან ბედნიერი ხარ და ყველა ირგვლივ მყოფი გიყვარს. ამ გრძნობას, როგორც ყვავილს მუდმივი მოვლა ჭირდება, თორემ გახმება. ამის შემდეგ კი ყველაფერს აზრი ეკარგება.
თბილისში დაქალები და მშობლები ელოდებოდნენ, მაგრამ ახლა ეს ნაკლებად აინტერესებდა. მისთვის ამ წუთას მთავარი იყო გვერდზე ვინმე დამჯდარიყო და გამოლაპარაკებოდა, ეულად რომ არ ჰყოფილიყო. მარტოსულობა ეს შეგრძნება როცა გრძნობ ამ ქვეყნად თითქოს მარტო ხარ, არავინ გყავს, მაშინ როდესაც სხვას რომ თავი დავანებოთ საყვარელი მშობლები ჰყავდა, არ დაგვავიწყდეს დაქალებიც იყვნენ, მაგრამ ეს მისთვის საკმარისი არ იყო, ვიღაც ან რაღაც ჭირდებოდა კიდევ. თითქოს ცხოვრების ნაბოძვარით უკმაყოფილო იყო.
ჩუქება
