„ნიკალას ბოჰემა“ გიორგი შერვაშიძის რომანის „მცირეს თავგადასავალი“-ს გაგრძელებაა. პლატონ ანჩაბაძის ფათერაკებით და მოულოდნელობებით სავსე, საინტერესო თავგადასავალი ახალ წიგნში ახალი ვნებათაღელვით გრძელდება. ამჯერად, პროტაგონისტმა სრულიად განსაკუთრებული ამოცანა უნდა გადაჭრას - სტამბოლში გამართულ გამოფენაზე, სხვა ხელმოუწერელ და გენიალურ ტილოებს შორის ნიკო ფიროსმანის ნახატი უნდა ამოიცნოს და იყიდოს. ამ თავბრუდამხვევ ავანტურაში, პლატონ ანჩაბაძესთან ერთად ბევრი სხვა ვინმეც ეხვევა. მწერალი ჩვეული სილაღით, იუმორით, თავგადასავლისთვის დამახასიათებელი ძალდაუტანებელი დამაჯერებლობით, ხან დინჯად და ხანაც ექსპრესიულად გვიყვება ამბავს, რომელიც, ამქვეყნად ყველა ამბავის კანონით, შესაძლოა ვინმეს ნამდვილადაც გადახდენოდა... ნინო სადღობელაშვილი