დავით მიქელაძე (მეველე) აქამომდე რომელიმე თხზულების, მითუმეტეს ბიოგრაფიული რომანის, პერსონაჟად არ ქცეულა. არადა, მისი ქარიშხლიანი ცხოვრება, მიწყივ ჩვენი თავის ჩვენადვე კუთვნების იდეის ქადაგება, უაღრესად საიმდროო, ამავდროულად საამდროო, ფიქრები მეტი ინტერესის საგანი უნდა ყოფილიყო ადრეც და ახლაც. ელგუჯა თავბერიძის დოკუმენტური თხრობა მძაფრად გვაგრძნობინებს ქვეყნის თავისუფლებისათვის მებრძოლი დავით მიქელაძის სულისკვეთებას, ცხოვრების ოკეანის თავბრუდამხვევ ზვირთებში ჭეშმარიტი მიზნის _ მამულისათვის ზრუნვის ხანიერებასა და მარადიულობას.