ეს წიგნი პოეტური ავტობიოგრაფიაა ადამიანისა, რომელმაც, თავისი ასაკის მიუხედავად, განცდისა და ფიქრის დიდი გამოცდილება დააგრო­ ვა. ამ გამოცდილების გადმოსაცემად მან ყველაზე ბუნებრივ ფორმად მი­ იჩნია ლექსებისთვის კომენტარების დართვა _ განმარტებითი ხასიათის ტექსტებით სხვადასხვა ციკლის პოეტურ ნაწარმოებთა გაერთიანება. გულწრფელობა, უშუალობა, დიალოგისა და ძიების წყურვილი ამ წიგნის მთავარი მახასიათებლებია (სწორედ გულახდილობის გამო წიგ­ ნის ზოგიერთი პასაჟი მეტისმეტად ყოფითი და დეტალიზებაზე ორი­ ენტირებული ჩანს). კითხვის დასმა, როგორც პასუხი მთელი სამყაროს მიმართ, აქ პოეტური ფიქრის სახეს იღებს და იქცევა თამაშად, რომელიც პიროვნულობისა და უნივერსალურობის, ადამიანურისა და ზეადამი­ ანურის, მშობლიური და უცხო სივრცეების, საკუთარი სახის დაკარგვისა და პოვნის ზღვარზე მიმდინარეობს.