კიბერპანკის ქვეჟანრში დაწერილი პირველი მოთხრობა („განაღდებული ბედნიერება“) საქართველოში რობოტ სოფიას სტუმრობამ შთამაგონა, მაშინ მომაფიქრდა ეს ისტორია. მეორე მოთხრობა („მოგზაურობა წარსულ სივრცეში“) ფანტასტიკის სხვა ქვეჟანრს განეკუთვნება - დროში მოგზაურობას. იმ ნაწარმოებებს, რომლებშიც მოქმედი პირები წარსულ ან მომავალ დროში წანაცვლდებიან ხოლმე. ამავე დროს, რატომღაც ნაკლები ყურადღება ექცევა იმ გარემოებას, რომ ამ შემთხვევაში სივრცეში გადაადგილებაც ხდება. მეც მოვსინჯე და შევეცადე ამჯერად ზუსტად ამ სივრცული მოვლენისთვის გამესვა ხაზი.