ერთ ირლანდიურ პატარა ქალაქში ყოველი დღე ერთმანეთს ჰგავს. აქ ყველა ერთმანეთს იცნობს, ერთმანეთზე ყველაფერი იციან, ხანდახან ჭორაობით ირთობენ თავს და, ცოტა არ იყოს, სნობებიც ბრძანდებიან. ქალაქში თითო-ოროლა გასართობი ადგილია, სამუშაო ძნელი საშოვნელია, ამიტომ ახალგაზრდების უმეტესობა ინგლისში მიდის ბედის საძიებლად... ასეთია გასული საუკუნის 50-იანი წლების ევროპა. სამაგიეროდ, ოკეანის იქით ახდენილი ოცნებების ქვეყანაა – ამერიკა. აქ ეილიშმა საკუთარი თავი იპოვა და, რაც მთავარია, იპოვა სიყვარული, თუმცა ძალიან ეძნელება უშფოთველ წარსულთან გამოთხოვება.