„ჩემი გზავნილი“ ევა დუარტე პერონის (1919-1952) მეორე ავტობიოგრაფიული წიგნია, რომელიც არგენტინის პრეზიდენტის მეუღლემ ჰოსპიტალში, სიმსივნით უკვე მძიმედ ავადმყოფმა გარდაცვალებამდე რამდენიმე დღით ადრე დაწერა. 1951 წელს გამოიცა მისი პირველი წიგნი „ჩემი ცხოვრების აზრი“. როგორც იგი აღნიშნავს, პირველად სათქმელი ბოლომდე ვერ თქვა და საჭირო იყო კვლავ დაეწერა. ეს სიცარიელე მან შეავსო სწორედ „ჩემს გზავნილში“. წიგნი წარმოადგენს მძაფრი განცდებთ, საინტერესო შეხედულებებით სავსე წერილს, რომლის ადრესატიც არგენტინელი ხალხია.