უაილდის პიესა «იდეალური ქმარი» პირველად 1935 წელს მოხვდა ეკრანებზე გერმანელი რეჟისორის ჰერბერტ სელპინის კინოკომედიით, უკანასკნელად კი 2001 წელს ჩეხეთში დადგა ტელერეჟისორმა ჟდენიოკ ზელენკამ. ხსენებული პიესა სულ ხუთჯერ არის ეკრანიზებული. მისი ყველაზე პოპულარული კინოვერსია «მირამაქს ფილმზს» ეკუთვნის და 1999 წელს გადაიღო რეჟისორმა ოლივერ პარკერმა. ფილმში ცნობილი მსახიობები მონაწილეობენ: კეიტ ბლანშეტი, მინი დრაივერი, რუპერტ ევერეტი, ჯულიანა მური, ჯერემი ნორტემი. ამ ფილმს ერგო პატივი, დაეხურა 1999 წელს კანის საერთაშორისო კინოფესტივალი.