ანა კორძაია-სამადაშვილის მოთხრობების კრებული „მე, მარგარიტა“ პირველად 2005 წელს გამოიცა და მკითხველის დიდი მოწონება დაიმსახურა. კრებულში თავმოყრილ თითოეულ მოთხრობაში უკვე იგრძნობა იმ დროს ახალბედა ავტორის სახასიათო ენა და თხრობის სტილი, რომლითაც განსხვავებულად გვიხატავს თითქოს უკვე ნაცნობ პერსონაჟებსა და ადგილებს. მისი მოთხრობების გმირები უმეტესად ქალები არიან – მძიმე სოციალური პირობებით, რთული პირადი ურთიერთობებითა და შვილების მომავალზე ფიქრით დაღლილი, მაგრამ მაინც მებრძოლი ქალები.