,,ფეისბუქის ლიტერატურა“ – ეს გახლავთ უკანასკნელი წლების ლიტერატურული ჟანრი, რომელიც პუბლიცისტიკისა და მხატვრული ლიტერატურის მიჯნაზე გადის. ,,ფეისბუქის“ გარემო გამოირჩევა უპრეცენდენტო დემოკრატიულობითა და თანასწორი პირობებით. აქ სრულიად გამორიცხულია რაიმე სახის ცენზურა და მინიმუმამდეა დაყვანილი ნეპოტიზმი. ტექსტების განთავსება, განსხვავებით ნაბეჭდი ლიტერატურისა, არ არის დამოკიდებული გამომცემელთა თუ ხელისუფალთა ნებისგან. გამოქვეყნებისთანავე ტექსტი ხელმისაწვდომი ხდება მასობრივი მკითხველისთვის. წიგნი შედგება 13 თავისგან და მასში წარმოდგენილია ავტორის პუბლიკაციები ცხოვრების ყველა სფეროზე: საზოგადოება, მამაკაცი და ქალი, ეკლესია, პოლიტიკური ცენზურა და შიდაჯგუფობრივი ფავორიტიზმი, პოლიტიკა, რუსული ოკუპაცია, ნარკომანია, ახალგაზრდობა, მედიცინა, ხელოვნება და მხატვრული ლიტერატურა.