ეძღვნება კრისტოფ ბიესმანსს და ოლივიე ვერის ადამიანი ბარბაცით მიიწევს წინ ერთი კარიდან მეორისკენ და ჰაერში უჩინარდება: "მხოლოდ ის შემიძლია გითხრა, რომ ჩვენ ფლუიდები ვართ, ბოჭკოებისგან შემდგარი მანათობელი არსებები." ყველა ასე ვთქვათ შემეცნებითი მოგზაურობა იმ ზღურბლებისა და კარებისგან შედგება, სადაც ხდება ჩამოყალიბება და მას ცვლიან სამყაროს "საათების", ჯოჯოხეთის წრეებისა თუ მოგზაურობის იმ ეტაპების მიხედვით, რომლებიც ამრავალფეროვნებენ მასშტაბებს, ფორმებსა და ყვირილის სახეებს. დაწყებული ცხოველთა ღმუილიდან დამთავრებული უმცირესი ელემენტებისა და ნაწილაკების წრიპინით.
"ათასი ფენა", ჟილ დელიზი
ის მერლინ ფოკია.
რაც თავი მახსოვს,
მუდამ აქ იყო,
ჩემს ნაკვალევზე.
მე მერლინ ტურკე ვარ,
ის, ვინც წერს.
მერლინი და მერლინი. რა სისულელეა.
ასეა და მორჩა.
შეცბუნება. გარეკვა. შიზოფრენია.
უცნაური რამეები.
ტურკე და ფოკი.
მერლინი და მერლინი.
მოკეტე…
პირველი ძვალი : 6-8 წლის ვარ