იზაბელ ვერი ბელგიელი მსახიობი, რეჟისორი და მწერალია. იგი დაიბადა ლიეჟში, სამსახიობო ხელოვნებას დაეუფლა ბრიუსელის სასცენო ხელოვნების უმაღლეს ინსტიტუტში. ის თამაშობს სხვადასხვა რეჟისორის მიერ დადგმულ სპექტაკლებში და თავადაც წერს პიესებს. სამჯერ მოხვდა ბელგიის თეატრის კრიტიკოსთა პრემიის ნომინაციაში, რომელიც საბოლოოდ 2008 წელს მიიღო ჟან-დანიელ მანიანის პიესის „ნაჭერი ანუ უძღები შვილის დაბრუნება“ მიხედვით დადგმულ სპექტაკლში. იზაბელ ვერის პირველი პიესა „ღორის სიკვდილი“ თეატრის პრემიის ნომინაციაში მოხვდა. „ცხოვრების თეატრში“ მან დადგა თავისი ორი პიესა: “შიშველი მადმუაზელ არი” და „ალმანახი“... იზაბელ ვერის კალამს ეკუთვნის სამი რომანი : „ბატონი რენე“, რომელიც ბელგიელი მსახიობის რენე ენოს წარმოსახვით ბიოგრაფიას წარმოადგენს, „ივეტის ლექსები“ და „უძვლო მერლინი“, რომელმაც 2013 წელს მიიღო ევროკავშირის ლიტერატურული პრემია.