მატილდა დაიბადა ერთი პატარა ქვეყნის ძალიან დიდ ოჯახში. ის იყო მორჩილი და წყნარი ბუნების გოგონა რომელიც თავის სურვილებს არც თუ ისე ხმამაღლა უკეთებდა აფიშირებას. ამ ყველაფერს კი მოყვა მისი სურვილების დათრგუნვა. დროთა განმავლობაში მატილდამ თითქოს ღრმა ძილით დაიძინა და საკუთარი ცხოვრების ავტო პილოტით მართვაზე გადავიდა. მიუხედავად ამ რეჟიმისა ის ხვდება თავის მეორე ნახევარს, ზუსტად ისეთ ადამიანს რომელზეც ოცნებობდა. მათ უსიტყვოთ ესმის ერთმანეთის და ხვდებიან რომ ერთმანეთისთვის არიან შექმნილები. მაგრამ ამის მიუხედავად წლებთან ერთად სულ უფრო და უფრო ქრებოდა მატილდას თვითშეფასება. უფრო და უფრო უსუსური ხდებოდა, თითქოს ნელნელა იკარგებოდა სამყაროდან. ტანჯავდა წითელი ნევროზი, რაც აიძულებდა უარი ეთქვა სხვადასხვა სოციალურ აქტივობებზე, საკუთარ სურვილებზე, მიზნებზე და საკუთარ მეგობრებზეც კი. გადის წლები და მასში იღვიძებს ის ერთი ყველაზე ჯიუტი უჯრედი რომელიც არასდროს დანებებულა. შემდეგ ეს უჯრედი აღვიძებს მეორეს, მესამეს, მეოთხეს და ნელნელა მატილდას მთელი სხეული იწყებს ბრძოლას გაღვიძებისთვის. ეს შეუქცევადი პროცესი აიძულებს მატილდას შეწყვიტოს წითელი ფიქრები და დაიწყოს გაღვიძება.