რატომ იწყებს ადამიანი წერას? ბანალური კითხვაა, მაგრამ პასუხს დღემდე ვერავინ მიაგნო. უბრალოდ არ არსებობს. შემოქმედება ხომ კითხვებია და არა პასუხები. უწყვეტი, უსასრულო ძიებაა – ღმერთის, ადამიანის, საკუთარი თავის. ჩემი აზრით, ასეთია რამაზ გიგაურის „მენტალური მისტერია“. მე ასე დავინახე და შევიგრძენი. მისტერიაც გაელვებაა, რომელიც არავინ იცის საიდან ჩნდება და სად ქრება, უჩინარდება. ჩვენც ვიმოგზაუროთ ამ საინტერესო პოეტთან ერთად. დავსვათ კითხვები და იქნებ საკუთარი თავი მაინც უკეთესად გავიცნოთ. (გაგა ნახუცრიშვილი)