1. Istanbul Travel Guide ას-სალამუ ალაიქუმ,
ტურისტებო!
მე ოცდაცამეტწლიანი გამოცდილების
გიდი ვარ,
ყურადღებით მომისმინეთ და მომყევით.
თქვენ აირჩიეთ პატარა, მაგრამ საუკეთესო ტური,
გაიხედეთ მარჯვნივ,
ახლა გაიხედეთ მარცხნივ,
აი, სტამბოლი,
ერთმანეთისთვის მუშტმოღერებული
კონტინენტების ქალაქი.
აი, ტურისტებო,
მარტოსული მოქალაქეების
უკიდეგანო მიწა,
მშიერი ბავშვებისა და
მაძღარი კატების ქალაქი.
სულ ეს არის,
დანარჩენს გამოუცდელი გიდები,
ტელევიზიები და ფერადი ჟურნალებიც მოგიყვებიან.
ჩუქება
