ჩემს სამყაროში ყველაფერი ცოცხალია, ყველა ფერი ნათელია, სიბნელე თვალდახუჭული სინათლეა, თვალები გულში საიდუმლოს ინახავენ, შიშით ინიღბებიან, ცეცხლს ანთებენ, ნაპერწკლებს ისვრიან, წიგნებს წერენ, კითხულობენ და გიკითხავენ... ახალი არაფერია, თუმცა მე ვაკეთებ სიმართლის ,, Update"- ს, სიყალბის ,, Uninstal" - ს, ჩემ ,,Download" -ებ - ში ბევრი გრძნობაა, ვცდილობ გრძნობები თქვენ საყვარელ ,, Playlist" - ში მოხვდეს, ყოველდღე რომ უსმინოთ, სულის რომელიღაც ბნელ წერტილში სიმართლემ გაიჟღეროს... სამყაროში დრო თითებით ითვლის წამებს, წუთებს, საათებს, დღეებს, თვეებს, წლებს, საუკუნეებს, თანაც იმდენი თითი აქვს, ვერ წარმოიდგენთ. სამას სამოცდახუთი თუ სამას სამოცდაექვსი დღით აშენებულ ორიათას რომელიღაც წელს გარდავიცვლები და სანამ წავალ მინდა თქვენი ,,Desktop" - ი ჩემი ჩანახატებით შევავსო, უანგაროდ, გამოგონილი ფასდაკლებებისა და განვადებული სიყალბის გარეშე...