არანორმატიული პოეზიის ნიმუშები ასეც შესაძლებელია დავარქვათ ნატა ვარადას ახალ პოეტურ კრებულს „მცენარეულს". წიგნში ბოლო ერთი წლის განმავლობაში დაწერილი ლექსებია თავმოყრილი. ნატა ვარადა არ ღალატობს საკუთარი წერის მანერასა და სტილს, ის კვლავ მითოლოგიურ ჭრილში, წარმართული ფერებით თანამედროვე ადამიანის ლირიულ ყოვლდღიურ ყოფას აღწერს პოეტური ენით და განწყობით. რატომ არანორმატიული?! სავარაუდოდ, იმიტომ, რომ ავტორი წესების გარეშე წერს და პოეზიას ყოველგვარი ჩარჩოების გარეშე იშინაურებს.