1996 წელი. მაიორი რიჩერი კვლავ არმიაში მსახურობს და კვლავ სახიფათო დავალება ელოდება. დილით ორდენით დააჯილდოეს, შუადღისას კი „ღამის სკოლაში“ გაისტუმრეს... „კვალიფიკაციის ასამაღლებლად“. კლასში, მის გარდა, კიდევ ორი „მოსწავლეა“ – გამოძიების ფედერალური ბიუროს აგენტი და ცენტრალური სადაზვერვო სამმართველოს ანალიტიკოსი. სამივეს მოსვენებას უკარგავს ერთი კითხვა – რა უნდათ „ღამის სკოლაში“? პასუხსაც მალე მიიღებენ: დავალება უკიდურესად მნიშვნელოვანია – ვიღაც ამერიკელს ჰამბურგში ავღანელი ტერორისტები ევაჭრებიან. ამერიკელი 100 მილიონს ითხოვს, მაგრამ რისთვის, რას ყიდის? რიჩერმა ამ კითხვებს პასუხი უნდა გასცეს, თორემ „ღამის სკოლას“ ვერ „დაამთავრებს“.