ნაწარმოები მოგვითხრობს მთავარი გმირის მოგზაურობაზე რეალურ, სურეალისტურ და სიზმრების სამყაროში. მოქმედების ადგილია მანჰეტენი, სადაც ვითარდება ძირითადი მოვლენები, რომელთაგან ნაწილი სინამდვილეა, ნაწილი კი გამოგონილი. პერსონაჟები კი რეალური ადამიანები არიან, რომლებიც ამერიკის შეერთებულ შტატებში ცხოვრობენ. დევიდ მონრო, რომელიც უზომოდ არის შეყვარებული მანჰეტენზე, მზად არის ყველა და ყველაფერი დათმოს იმისთვის, რომ მისი სამუდამო პატიმარი გახდეს. ამ იდეით შეპყრობილი, იგი უცნაურ სამყაროში აღმოჩნდება, სადაც მას მეგზურობას მისტიური პიროვნება უწევს, რომელიც მუდმივად იცვლის სახეს. თავისი იდეალის ძიების პერიოდში, დევიდი სხვადასხვა სიტუაციებში ხვდება, რომლებშიც მოთხრობილია ქალისა და მამაკაცის სასიყვარულო ისტორია, ამბავი ქურდობის შესახებ, რომელსაც საეკლესიო პირი ჩაიდენს, მეძავი ქალის ტრაგიკული ცხოვრება, ცოდვილთა ქალაქში გათამაშებული ერთი სახალისო ეპიზოდი და სხვა მრავალი. დევიდის თავგადასავალს და მოგზაურობას თან სდევს მისტიციზმი, ფანტასტიკა და თრილერი. საშიშროება იმისა, რომ იგი შესაძლოა უფსკრულის პირას აღმოჩნდეს და ეშმაკის მიერ დაგებულ ხაფანგში გაეხვეს, მაგრამ სრულიად მოულოდნელად მას მხსნელად გამოეცხადება წარმოუდგენლად ლამაზი ქალი, რომელივ მას თავის სამყაროში წაიყვანს.