წინამდებარე წიგნი განკუთვნილია საქართველოს ისტორიით დაინტერესებულ მკითხველთა ფართო წრისთვის. მასში, ერთი მხრივ - ავთენტურად აღწერილია და დახასიათებულია ის სახელმწიფოებრივი წარმონაქმნი, რომელსაც ქართველური ტომები ქმნიან, მეორე მხრივ კი - ქართველთა პოლიტიკური ისტორია განხილულია მსოფლიო ისტორიის კონტექსტში. გამომდინარე იქიდან, რომ ქართული საზოგადოებისათვის უცნობია უახლესი სამეცნიერო ლიტერატურა ძვ. წ. III-II ათასწლეულებში მცირე აზიაში მომხდარი მიგრაციული პროცესებისა და უძველესი ქართველური ტომებისა და მათი უშუალო მეზობლების განსახლების არეალის შესახებ, წიგნში თანამედროვე არქეოლოგიური, ლინგვისტური თუ ისტორიული წყაროების გამოკვლევებისა და დამუშავების შედეგად განხილულია ცნობები იმ ქართველური ტომებისა და ტომობრივი კავშირების ჩამოყალიბებისა და მიგრაციების მიზეზებზე, რომლებმაც გარკვეული როლი ითამაშეს ძვ. წ. I ათასწლეულში ქართული სახელმწიფოებრივი წარმონაქმნების ფორმირების პროცესში.