თანამედროვე ზღაპრები ისტორიულ ქალებზე — „იყო ერთი გოგო“ ქართველი მწერლების მიერ შექმნილი ზღაპრების კრებულია, რომლის პერსონაჟებიც ცნობილი ქალები არიან. ზოგის შესახებ ინფორმაცია ისტორიულ წყაროებშია დაცული, ზოგი მათგანის ამბები კი მხოლოდ თქმულებებმა და ლექსებმა შემოინახა. წიგნში შესული ზღაპრები მათ სიმამაცეზე, მიზანდასახულობაზე, სიბრძნეზე, კეთილშობილებაზე, მეგობრობასა და სამართლიანობისთვის ბრძოლაზე გვიყვება. ინიციატივა განხორციელდა გაეროს ქალთა ორგანიზაციის მიერ, გაეროს ერთობლივი პროგრამის „გენდერული თანასწორობისთვის“ ფარგლებში, შვედეთის მთავრობის მხარდაჭერით.