"ჩრდილებთან მოსაუბრეს" შეიძლება ავტორის ბიოგრაფიული ნაწარმოებიც ეწოდოს, თუმცა არა მარტო. იგი მისტიურია, ისევე როგორც ერთი უცნაური ყმაწვილის შინაგანი სამყარო, სადაც რეალური თუ გამოგონილი ამბები ერთმანეთს ცვლის. გარდა თხრობითი ნაწილისა მასში არის გრანდიოზული პოემა, დაწერილი იტალიის გენიოსი პოეტის–დანტე ალიგიერის პოემის "ღვთაებრივი კომედიის" შთაგონებით. ძველი ქართული ენის სიტყვები,ან ის რითმები, რაც 20-21 წლის ავტორის თავში თითქოს არსაიდან მოდის, ამ პოემას შუა საუკუნეებიის ელფერს ანიჭებს! მოკლედ, ვისაც გიყვართ დანტეს "ღვთაებრივი კომედია", ვეფხისტყაოსანი ან მსგავსი პოემები და ნაწარმოებები, იმედია "ჩრდილებთან მოსაუბრეც" მოგეწონებათ.