“რელიგიათმცოდნეობითი ძიებანი” წარმოადგენს სულხან საბა ორბელიანის სახელობის თეოლოგიის ინსტიტუტისა და საქართველოს რელიგიათმცოდნეთა კავშირის მიერ 2006 და 2007 წლებში ორგანიზებულ საერთაშორისო სიმპოზიუმებზე წაკითხული მოხსენებების კრებულს. სიმპოზიუმებში, რომლის თემა იყო ,,საქართველო: რელიგია და თანამედროვეობის პრობლემები”, მონაწილეობას იღებდნენ უცხოელი და ქართველი მკვლევრები, რომლებმაც თანამედროვე, ზოგჯერ საკამათო, მაგრამ აქტუალური პრობლემების მათეული ხედვის ფართო სპექტრი წარმოადგინეს. კრებული, პირველ რიგში, გათვალისწინებულია რელიგიათმცოდნეთა და ჰუმანიტარულ სპეციალობათა სტუდენტებისათვის. ის წარმოადგენს საქართველოში რელიგიათმცოდნეობითი თემების მიუკერძოებელი ანალიზის პირველ მცდელობას. აქ გამოქვეყნებული სტატიები საინტერესო იქნება რელიგიის მეცნიერული შესწავლით დაინტერესებული ფართო საზოგადოებისათვისაც.