მინის ქილაში დამწყვდეული არსების ბრძოლა თავისუფლებისათვის, ქუჩებსა და გზების ნაპირებს შორის მოქცეული ადამიანის მცდელობა, გადააბიჯოს ბარიერებს, შეისუნთქოს მუსიკა ჰაერის მაგიერ, მიიღოს საკუთარი სხეული სულის სამოსად, იპოვოს მისასვლელი საკუთარ თავთან და მოერგოს გასაღებად თავისავე არსებას – ეს დალილა ბედიანიძის ლექსებია, რომელიც პოეტმა კიდევ ერთ კრებულად შეკრა და მკითხველს "ფიქრდიდობის" სახელით უსახსოვრა. ავტორს ქართველი მკითხველი უკვე იცნობს პოეტური კრებულით "წვეთები და ნამცეცები", "კეთილი მგზავრობა", "ნეტავ", "გამარჯობათ"