"სიუჟეტი მარტივია, ორი მეგობარი მთის მღვიმეში ჩაკარგულ საიდუმლო სამხედრო ბაზას პოულობს და უცნაურ თავგადასავალში ეხვევა. ეს წიგნი ძმაკაცობაზე, ერთგულებაზე, სამშობლოზე და იმაზე თუ რად შეიძლება ვაქციოთ ქვეყანა ზედმეტი სიყვარულით, დაუფიქრებლობით, უმოქმედობით და უთქმელობით. წიგნი ცოტათი ფანტასტიკურია, გასართობიც, სათავგადასავლოც, დეტექტიური საბოლოო ჯამში არც ერთი ან ყველა ერთად. აბა სად შეხვდებით სხვაგან ვანო მერაბიშვილს, სტალინს, იულიუს კეისარს, თემურ ლენგს, პრეზიდენტს, მუჰამედს, ფანტომას და უამრავ სხვა თქვენთვის ნაცნობ ისტორიულ თუ ლიტერატურულ პერსონაჟს? და მაინც ჩემი აზრით ამ არეულ-დარეულ წიგნში ყველაზე მეტია - სიმერთლე! სიმართლე და სხვა არაფერი!" ლადო კილასონია