ეს წიგნი არჩილ ტატუნაშვილის ჰეროიკული პიროვნებით არის შთაგონებული, არჩილზე მოგვითხრობს და არჩილს ეძღვნება. წიგნი რუსული ოკუპაციისა და ოსური სეპარატიზმის წინააღმდეგ არის მიმართული და ჩემი მცირედი წვლილია, XXI საუკუნის საქართველოს გმირის უკვდავყოფის საქმეში შეტანილი. წიგნზე გამოსახულია ქართული პასპორტის ის გარეკანი, რომლითაც რუსეთის მიერ საქართველოს ტერიტორიის 20 პროცენტის ოკუპაციას ვაპროტესტებთ. ამით ეს პასპორტი სიმბოლურად გადავეცი რუსული ოკუპაციის უპირველეს გამპროტესტებელს, რომელმაც, ქედუხრელმა და შეუდრეკელმა, სიკვდილის წინ თავის ჯალათებს უთხრა: "ეს საქართველოა და არასოდეს იქნება ოსეთი!"