„Vita Brevis გამოცხადებამდე“ ბაკურ გაბუნიას პირველი რომანია. დისტოპიური რომანი მკითხველს თავის თამაშის წესებს სთავაზობს. წესებს კი პერსონაჟები ადგენენ. ხუთზე მეტი მთავარი პერსონაჟი, პერსპექტივათა განუწყვეტელი ცვლა, დაუჯერებელი ამბები, გამოგონილი ეპოქა, ქვეყნები და ქალაქები, უცნაური გმირები და წიგნში აღწერილი სხვა წიგნის პერსონაჟის ორ სივრცეში მოგზაურობა მკითხველს აქცევს ლაბირინთში, რომელიც წესების მიხედვით უნდა გაიაროს.