ღამის ანბანი - ასე ჰქვია ჩემი ახალი პოეტური კრებულის ელექტრონულ ვერსიას, რომელსაც ბეჭდური წინაპარი არ ჰყავს. სხვა ჩემი ელექტრონული წიგნები, მას მერე გამოიცა, როცა გუტენბერგული, ტრადიციული სტამბური გზა გაიარა. ამ დღეებში ჩემს ჩანაწერებს ვკითხულობდი, სადაც წავაწყდი წინადადებას სახარებიდან: სად ხორცი არს, მუნ ორბნი შეკრბენ... ე.ი. სადაც ხორცია, იქ ორბები იკრიბებიან. ელექტრონულ გამოცემას არ მიაკითხავენ ყვავები და ორბები და დარწმუნებული ვარ პოეზიას, „ღამის ანბანში“ რომ გამოქვეყნდა, თავისი მკითხველი აუცილებლად ეყოლება. ამ კრებულში შევიდა 2015-2018 წლებში დაწერილი ლექსები. სამწლიანი სივრცე საკმარისი გამოდგა პოეტური კრებულის შესადგენად და გასავრცელებლად. ელექტრონული წიგნის ღირებულება სიმბოლურია და ხელმისაწვდომი!