”ჩემი “ბუხარი” ჩემი ცხოვრებაა. ის წარსული დღეების არქივი და მომავლის დღეებზე ოცნებაა. ბუხარმა იცის ყველა საიდუმლო, ასევე ყოვლისმცოდნეა ჩვენი უხილავი ბუხარი. ეს არის თორნიკე გურჯინთახის ბუხარი, რომელიც უამრავ ისტორიას ინახავს. ყველაზე უდროო, მაგრამ ყველაზე თბილ ქალაქში ჩვეულებრივი გოგო-ბიჭები ცხოვრობენ, სკოლაში დადიან, უნივერსიტეტშიც, უყვარდებათ ერთმანეთი, შორდებიან, კარგავენ და იძენენ ახლობელ ადამიანებს, ცხოვრების მიზანს ეძებენ, ომობენ… პარალელურად გურჯინთახების ოჯახის ბუხარიც გიზგიზებს და ჯერ საქართველოს მცირეხნიანი დამოუკიდებლობის მოწმე ხდება, შემდეგ კი წითელი არმიის აღვირახსნილობის… ბუხარი ყველაფერს იმახსოვრებს, რომ შემდეგ ჩვენ გვიამბოს წარსულისა და აწმყოს გადაკვეთის საინტერესო ამბავი…