სიყალბე ხალასად საღდება! რაწამს გაჩნდები, შუშის კედლებით გარშემორტყმული, განრიდებული სამყარო შენზე ზემოქმედებას იწყებს და ასე გრძელდება აღსასრულამდე. ადამიანის ცხოვრებას შეიძლება, გრძლად მოჰყვე ან, სულაც, ორ სიტყვაში ჩაატიო. ათასნაირ გზასა და შესაძლებლობას შორის ის რომელიმე კონკრეტულს ირჩევს ან, საერთოდაც, უსასრულო გაურკვევლობაში, უგზო-უკვლოდ დაეხეტება. რა არის სიცოცხლე – ზებუნებრივი ძალით შთაგონებული მოვლენა თუ ბუნების ნების ცხოველქმედების ნაყოფი?! გააჩნია კი მას დანიშნულება ან საზრისი, თუ, უბრალოდ, შემთხვევითობასა და აუცილებლობას წარმოადგენს?!