ვიკის ესიზმრება ცისარტყელას გვირგვინიანი ჭაბუკი გეფიგი, რომელიც მოახლოებული საშიშროების თავიდან აცილებას სთავაზობს. გეფიგის მეგობრები არიან ლაპასკუნები-სინათლის სპექტრის შემადგენელი შვიდფერა ბურთულები, რომლებიც ცისარტყელას ხიდს ქმნიან. ხიდის ქვეშ გავლისას ბავშვების ოცნებები სრულდება. ვიკისა და მისი მეგობრების დაუძინებელი მტრები არიან ბუმბარუშები, რომელთა მბრძანებელია-ბრაშა. მთელ ნაწარმოებს ლაიტმოტივად გასდევს დროის მბრძანებლის იდუმალი სახე.