ელექტრონული წიგნის შექმნის იდეა დაიბადა 2016 წლის ოქტომბერში, აზერბაიჯანში, ქ. განჯაში, აგრარული უნივერსიტეტის საერთაშორისო სამეცნიერო კონფერენციაში მონაწილეობისას, როდესაც ჩვენს მიერ მონახულებული იქნა ქართველი რომანტიკოსი მწერლის, ნიკოლოზ ბარათაშვილის (1817-1845) სახელთან დაკავშირებული სამახსოვრო ადგილები. წინამდებარე წიგნი მიეძღვნა ნიკოლოზ ბარათაშვილის (1817-1845) საიუბილეო თარიღს. სამეცნიერო ნაწილში („სულში რეკავენ შენი ზარები“, რომელიც შედგება 5 ქვეთავისაგან) თავმოყრილია ახალი და უახლესი მასალა, რომელიც ეხება პოეტის შემოქმედების რამდენიმე ლექსის გააზრებასა და მისი სატრფიალო ლირიკის ირგვლივ მკვლევართა ნააზრევის მიმოხილვა-შეფასებას თანამედროვეობის თვალთახედვით, ძირითადად კი, უცხოობაში (ნახჭევანი, განჯა) გატარებული ცხოვრების ბოლო წლების (1844-1845) ე.წ. „თეთრი ადგილების“ ერთგვარ შევსებას, აღნიშნული პერიოდის სხვადასხვა ეპოქის მხატვრულ ტექსტებში ასახვის ილუსტრირებით. ფოტოგალერეაში კი წარმოდგენილია, ძირითადად, ახლადმოძიებული მასალა. ნ. ბარათაშვილის უცხოეთში ყოფნის პერიოდის ფოტოდოკუმენტებით. მასალები მოიძიეს და გამოსაცრმად მოამზადეს პროფესორებმა: ფილ. მეცნ. დოქტორმა თამარ გოგოლაძემ და ტექნიკურ მეცნიერებათა დოქტორმა თინათინ მშვიდობაძემ. რედაქტორი: ფილოლოგიის მეცნიერებათა დოქტორი, პროფესორი: ავთანდილ ნიკოლეიშვილი; გარეკანის ფონი აღებულია ინტერნეტიდან http://earth-chronicles.ru/news/2014--01-30-58852; http://geocult.ru/kitayskaya-astrologiya/loshad-znak-zodiaka „ნ. ბარათაშვილის პორტრეტი“-2017, მხატვარი: ავთანდილ ღუდუშაური