ავტორისაგან: მოხერხებულად მოკალათდით. ჩემი გმირები თქვენკენ მოეშურებიან. ნუ ეტყვით უარს შეხვედრაზე, რადგან მათ შორის არიან თქვენი ახლობლები და მეგობრები, ნაცნობები და მეზობლები, მშობლები და წინაპრები, უცნობი გვერდითი ბინიდან და ნაცნობი შორეული ქალაქიდან, ყოფილი და ამჟამინდელი... ნუ შეგაცბუნებთ ის, რომ მთავარი გმირი ჩემი სეხნიაა - ეს არის ჩემი ამბავი, მაგრამ არის კი ამბავი ჩემზე?!. თქვენ გესტუმრებიან ადამიანები, რომელთაც ზოგჯერ სურვილის წინააღმდეგ უწევთ გადაწყვეტილების მიღება. ისინი აკეთებენ არჩევანს, რადგან ჩვენს გადაწყვეტილებას ვერავინ მიიღებს ჩვენ მაგივრად... თუნდაც იმიტომ, რომ არ ვიქცეთ მწუხრისფერ აჩრდილებად. ისინი უკვე აქ არიან. ბედნიერ შეხვედრას გისურვებთ!