ია კალანდაძის ზღაპარი „სიკეთის სამეფო“ მოგვითხრობს პატარა გოგონაზე, რომელიც აღმოჩნდება გაყინულ ქალაქში, სადაც ადამიანები ვერ საუბრობენ და ფანჯრებზე ყინულის ყვავილები იზრდება. ეს სუსხი სიმბოლოა ადამიანებს შორის სითბოს, სიყვარულისა და თანაგრძნობის გაუჩინარების. გოგონას გულწრფელი სიკეთე კი, თანდათან ადნობს ამ ყინულს და აღვიძებს სრულყოფილ სიყვარულს . ზღაპარი არის ალეგორიული მოგზაურობა შინაგან სამყაროში. პოეტური ენა, ალეგორიული სიმბოლოები და სიღრმისეული ქვეტექსტები, ზღაპარს ანიჭებს უნიკალურ სტილს, რომელიც ერთდროულად მიიზიდავს და გაახალისებს ბავშვებს და დააფიქრებს ზრდასრულებსაც.