“ესაა რომანი, რომელიც მძაფრი შეგრძნებებისა და საშინელებათა ჟანრის ყველა მოყვარულს თაროზე უნდა ედოს”, - ამბობს სტივენ კინგი წიგნზე, სადაც მსოფლიო ლიტერატურის ყველაზე იდუმალი და საშიში პერსონაჟი - გრაფი დრაკულა ცხოვრობს. ეს არის ვამპირული ზღაპარი, სადაც პერსონაჟების ამბავი დღიურებითა და ✉ წერილებითაა მოყოლილი, სადაც ულამაზესი ასულების გადარჩენისთვის კეთილშობილი ჯენტლმენები იბრძვიან, მაგრამ ვლახეთის მთავრის, ვლად ბესარაბის ლიტერატურული მისტიფიკაცია გრაფი დრაკულა მაინც ყველაზე შთამბეჭდავია. ირლანდიელმა მწერალმა ბრემ სტოკერმა “დრაკულა” შერიდან ლე ფანიუს გოთიკური ნოველის, ,,კარმელას" გავლენით დაწერა, მაგრამ, ამავე დროს, ამტკიცებდა, რომ შთაგონება სიზმრიდან ეწვია, სადაც გარდაცვლილი მოხუცი კაცი ცოცხლდებოდა და რაღაც ამბის თხრობას იწყებდა...