"ადამიანმა დედამიწის ზურგზე იმდენი საზიზღრობა ჩაიდინა, გამორიცხული არ არის, რომ ბუნებამ მისი განადგურება ჩაიფიქრაო, ასე იწყება ფრედერიკ ბეგბედერის ახალი ფრანგული რომანი „დამბა ატლანტის ოკეანის პირისპირ“. ადამიანი ბუნების პირისპირ და პირიქით - ყველაფერი ადამიანის წინააღმდეგ - ეს დისტანციაა, რომელიც პანდემიამდე მოვიდა და აი, ახლა ის წიგნის ფურცლებზეც გადმოდის - ავტორის ფრაზებიც ლიტერატურულ დისტანციას იცავენ. და მაინც: „ქვიშაზე ვზივარ და ვწერ. გამოდის, ეს ყოფილა ჩემი თავშესაფარი. ერთადერთი ადგილი ვიპოვე, სადაც ყველაზე ბედნიერად ვგრძნობ თავს მთელ დედამიწის ზურგზე და ეს დამბაა. მეგონა მსოფლიოს შეცვლა მინდოდა, არადა, ვატყობ, არაფრის შეცვლა აღარ მინდა“.