გამხმოვანებელთა ჯგუფი: ნუგზარ ყურაშვილი & ლალი ვეზირიშვილი. „ლონდა“ პიესა ორი ხმით და მუსიკალური გაფორმებით (აუდიო სპექტაკლი). დრამების შთაგონება აღმოსავლეთში ეწვია, როგორც ავტორი გვამცნობს. “ლონდა” ნიცშეს გავლენით შექმნა. “ლონდა” გრიგოლ რობაქიძემ თავის შვილს, ალკას მიუძღვნა, რომელიც ეპიდემიით გარდაიცვალა. გრიგოლ რობაქიძის 1917 წელს შექმნილი პიესა „ლონდა“ წარმართულ საქართველოში ვითარდება. ღმერთის გულის მოსალბობად მსხვერპლად ულამაზესი, ლონდა, უნდა შეეწიროს, რასაც მისი ტრფიალი თამაზ ბატონიშვილი ეწინააღმდეგება. ლონდა, ვისთვისაც სიკვდილი და სიყვარული, თანასწორია, ნებაყოფლობით მიდის მსხვერპლად შეწირვაზე, რასაც თამაზი აასრულებს და შეყვარებულთან ერთად გადასკდება მდინარეში. ასეთია, გრიგოლისეული სიყვარული, რომელზე “უტკბილესი არა არის რა ქვეყანაზე. მაგრამ ამავე დროს სიგიჟის თესლია იგი.“