მარიამ სტიუარტი

“უბედური შატელიარი წინ უძღოდა სხვებს, მისგან იწყება ლანდების ცეკვა, იმათი ფერხული, ვინც ამ ქალის გულისთვის ბედის ბნელ უფსკრულში ჩათრეულნი ეშაფოტზე ავიდნენ, მაგრამ ისიც თან გაიყოლეს”, - შტეფან ცვაიგის ისტორიული რომანი “მარიამ სტიუარტი” კაცობრიობის ისტორიაში ერთ-ერთ ყველაზე ტრაგიკულ ქალს ეძღვნება. ქალს, რომელზეც სამას წელზე მეტია დიდი გატაცებით მსჯელობენ და ვერ გადაუწყვეტიათ, დამნაშავეა თუ უდანაშაულო… სინამდვილეს იმდენი ტყუილი ურევია, ფაქტებს კი გამონაგონი, კაცს სხვადასხვა შეხედულება ექმნება.“ამ ათასგვარი ტყუილ–გამონაგონის ფონზე ცვაიგმა მოახერხა საუკუნეების შემდეგ მხატვრული ოსტატობითა და დამაჯერებლობით წარმოედგინა მშვენიერი დედოფლის ტრაგედია, ელისაბედისა და მარიამის ძალაუფლებისთვის ბრძოლა, გრძნობებისა და ვნებების ქარბორბალა და ფოტერინგის ციხის ეშაფოტი...