იტვირთება...

რეკლამა და პრომოცია. ნაწილი I

ჯორჯ ბელჩი მაიკლ ბელჩი

2013 წელი | დიოგენე
3,236 ნახვა
5
(0 რეცენზია /1 შეფასება)
მსურს წავიკითხო
ჩემი რჩეული
4.4
ყიდვა
ჩუქება
ანოტაცია
ეს ცნობილი საუნივერსიტეტო სახელმძღვანელო, რომელიც მრავალ ენაზეა ნათარგმნი და მთელი მსოფლიოს მასშტაბით იყენებენ სასწავლო პროცესში, ქართულად პირველად გამოიცა. ავტორები დარგის ცნობილი სპეციალისტები არიან, მოღვაწეობენ სან-დიეგოს უნივერსიტეტში და სხვადასხვა კომპანიას კონსულტაციებსაც უწევენ, რაც წიგნის აგებულებასა და შინაარსზეც აისახა. წიგნში განხილულია ძირითადი მარკეტინგული საშუალებების - რეკლამის, პირდაპირი მარკეტინგის, ინტერაქტიული მედიის, გაყიდვის პრომოციის, საზოგადოებასთან ურთიერთობის, პერსონალური გაყიდვის - წარმართვის უახლესი მეთოდები. ყოველი თავი შეიცავს ინტეგრირებული მარკეტინგული კომუნიკაციების ხედვის, IMC ტექნოლოგიების, გლობალური და ეთიკური ხედვის ჩანართებს. ამ ნაწილებში აღწერილია როგორც ბიზნესის, ისე რეკლამისა და პრომოციის სფეროში მოქმედი მსხვილი, საშუალო და მცირე კომპანიების მუშაობა; შესაძლებელი ხდება თეორიული დებულებების პრაქტიკაში გამოყენების (თუ არგამოყენების) შედეგების აღქმა და გაანალიზება. წიგნის თარგმანზე მუშაობდნენ ხ. ბასილაშვილი, მ. გოგოლაძე, მ. კეკელიძე, მ. კვესელავა, ხ. მაისაშვილი, თ. წილოსანი.
ვრცლად
რეკომენდებული ელ. წიგნები
დაწვრილებით ელ. წიგნის შესახებ
სახელმძღვანელოს ელექტრონული ვერსია 4 ნაწილისგან შედგება. პირველ ნაწილში 4 თავია შესული. 1-ლ და მე-2 თავში ვიკვლევთ რეკლამისა და პრომოციის როლს მარკეტინგში და შემოგვაქვს ინტეგრირებული მარკეტინგული კომუნიკაციების ცნება. 1-ლი თავი მიმოიხილავს რეკლამასა და პრომოციას, მათ როლს თანამედროვე მარკეტინგში. ასევე განხილულია ინტეგრირებული მარკეტინგული კომუნიკაციების ცნება და ფაქტორები, რომლებიც მის ზრდა-განვითარებას უწყობს ხელს. მოცემულია პრომოციული მიქსის ელემენტის განსაზღვრება; ინტეგრირებული მარკეტინგული კომუნიკაციების დაგეგმვის მოდელი გვიჩვენებს პრომოციის დაგეგმვის პროცესის თითოეულ ეტაპს. ეს მოდელი გვაძლევს ჩარჩო-სქემას ინტეგრირებული მარკეტინგული კომუნიკაციების პროგრამის შესაქმნელად და იგი მთელ წიგნში თანმიმდევრულად არის განხილული. მე-2 თავი იკვლევს რეკლამისა და პრომოციის როლს სრულ მარკეტინგულ პროგრამაში. იგი განსაკუთრებულ ყურადღებას უთმობს მარკეტინგული მიქსის ელემენტებს, მათი დამოკიდებულების ბუნებას რეკლამისა და პრომოციის სტრატეგიზე. ბაზრის დანაწევრება და პოზიციონირება იმგვარად არის ამ თავში ჩართული, რომ სტუდენტები ჩასწვდნენ როგორც ამ ცნებებისა და იდეების მისადაგებას სრულ მარკეტინგულ პროგრამებთან, ისე მათ როლს რეკლამისა და პრომოციის პროგრამების შექმნა-განვითარებაში. მე-3 და მე-4 თავებში პრომოციის პროგრამის სიტუაციურ ანალიზს გთავაზობთ. მე-3 თავი აღწერს ფირმების რეკლამისა და პრომოციისადმი საორგანიზაციო მიდგომას და შეისწავლის სარეკლამო სააგენტოებისა და სხვა ფირმების როლს, რომლებიც მარკეტინგულ და პრომოციულ მომსახურებას ეწევიან. განვიხილავთ, როგორ ხდება სარეკლამო სააგენტოების შერჩევა, შეფასება და მათი მომსახურების ანაზღაურება, ასევე სააგენტოების ბიზნესში მიმდინარე ცვლილებებს. ყურადღებას ვამახვილებთ მარკეტინგული კომუნიკაციის სხვა ტიპის საშუალებებზეც: პირდაპირ მარკეტინგს, გაყიდვის პრომოციას, ინტერაქტიულ სააგენტოებს, საზოგადოებასთან ურთიერთობის ფირმებს. ვაანალიზებთ, რამდენად ეკისრება პასუხისმგებლობა კლიენტს ან სააგენტოს განსხვავებული საკომუნიკაციო ფუნქციების ინტეგრირებისთვის. მე-4 თავი შეეხება მომხმარებლის მიერ გადაწყვეტილების მიღების პროცესს, იმ შინაგან და გარე ფაქტორებს, რომლებიც მომხმარებლის ქცევაზე ახდენს გავლენას. ამ თავში განვიხილავთ საკითხს, თუ როგორ შეუძლიათ რეკლამის მწარმოებლებს მყიდველი ქცევის ცოდნა ეფექტიანი სარეკლამო და საპრომოციო საქმიანობისთვის გამოიყენონ.
ელ. წიგნის მახასიათებლები
ISBN - 13:
978-9941-11-438-0
სათაური:
რეკლამა და პრომოცია. ნაწილი I
გამომცემელი:
გამოცემის თარიღი:
2013
თარგმანი:
ინგლისურიდან
მთარგმნელი:
ხ. ბასილაშვილი, მ. გოგოლაძე
გვერდები:
144
კატეგორია:
თარგმანი
ნახვები:
3236
რეიტინგი:
5
მკითხველთა რეცენზია
საშუალო შეფასება
(1) რეცენზია
5
რეიტინგის განაწილება
  • 5
    [1]
  • 4
    [0]
  • 3
    [0]
  • 2
    [0]
  • 1
    [0]