მასწავლებლის წიგნი 7 კლასი

მასწავლებლის წიგნი წარმოადგენს გამომცემლობა "პედაგოგიკის" მიერ შექმნილი მათემატიკის სახელმძღვანელოების სერიის გაგრძელებას. წიგნში წარმოდგენილია: ეროვნული სასწავლო გეგმა მეშვიდე კლასისათვის, შინაარსისა და მიზნების რუკა, შედეგების რუკა, რჩევები და მითითებები მასწავლებელთათვის, მეშვიდე კლასის მოსწავლის სახელმძღვანელოს სავარჯიშოების ამოხსნა და პასუხები. მასწავლებლის წიგნის ავტორებია: ი. რუხაძე, გ. სოხაძე, თ. ახობაძე, ა. ფურცელაძე, მ. ფაცაცია, ა. ტყეშელაშვილი, ზ. თედიაშვილი, თ. ჭყონია, რ. სურმანიძე, მ. ჭაბაშვილი, პ. ბაბილუა, მ. თევდორაშვილი, ლ. ტრაპაიძე. მეშვიდე კლასის მოსწავლის სახელმძღვანელო წარმოადგენის მათემატიკის სახელმძღვანელოების სერიის ნაწილს. სახელმძღვანელო შექმნილია ეროვნული სასწავლო გეგმის მათემატიკის საგნობრივი პროგრამის მიხედვით და ხელს უწყობს ეროვნული სასწავლო გეგმით გათვალისწინებული უნარ-ჩვევების განვითარებას. მოსწავლის სახელმძღვანელო შეიცავს მრავალფეროვან მასალას, ხელს უწყობს მოსწავლეთა ინტელექტუალურ განვითარებას, საჭირო ინფორმაციის მოძიებას, შეძენილი ცოდნის ათვისებას და გააზრებას. სავარჯიშოთა სისტემა უზრუნველყოფს ამოცანების ამოხსნის ეფექტური სტრატეგიების არჩევას და შეიცავს მრავალ საინტერესო მასალას ისტორიის, გეოგრაფიის, ბიოლოგიისა და სხვა სფეროდან. მერვე კლასის მოსწავლის სახელმძღვანელო დაყოფილია თავებად და პუნქტებად (ქვეთავებად). თითოეული თავი ეძღვნება ერთი თემის შესწავლას. თითოეული პუნქტი მოიცავს შესაბამისი თავის ერთ-ერთ ასპექტს, როგორც თეორიულს, ასევე პრაქტიკულს. მასწავლებლის წიგნში წარმოდგენილი მასალა საორიენტაციო ხასიათისაა. მასწავლებელს შეუძლია ცვლილებების შეტანა საკუთარი შეხედულებისა და კლასის მომზადების დონის შესაბამისად. მასწავლებლის წიგნში მითითებულია, ეროვნული სასწავლო გეგმის რომელ მიმართულებას და რა ნაწილს ფარავს მოსწავლის სახელმძღვანელო. მასწავლებლის წიგნში მოცემული სწავლების რეკომენდაციები, ინსტრუქციები და მითითებები მასწავლებელს დაეხმარება სხვადასხვა დიდაქტიკური ხერხებისა და სტრატეგიების გამოყენებაში. მასწავლებლის წიგნს აქტიურად გამოიყენებს როგორც დამწყები, ასევე გამოცდილი მასწავლებელი სასწავლო პროცესის წარმართვაში.