"ყოველი ადამიანი არა მარტო თავისთავადია, ესაა განსაკუთრებული, ყველაზე მნიშვნელოვანი და განსაცვიფრებელი წერტილი, სადაც მხოლოდ ერთხელ იყრის თავს სამყაროსეული მოვლენები და არ მეორდება აღარასოდეს. ამიტომაა ყველა ადამიანის ცხოვრება გამორჩეული, დაუვიწყარი და ღვთიური, ამიტომაცაა ყველა ადამიანი, ვიდრე ის ცოცხლობს და ბუნების ნება-სურვილს აღასრულებს, პატივსაცემი, ღირსეული და გასათვალისწინებელი. ყველაში სული თავის ხატს იძენს, ყველაში იტანჯება ქმნილება, ყველაში მხსნელია ჯვარცმული. "