შოთა რუსთაველის პოემა ,,ვეფხისტყაოსანი’’ მრავალ ენაზეა თარგმნილი და დღესაც, მთელი მსოფლიოს მასშტაბით, შეუდარებელი პოეტური ნაწარმოების სტატუსით სარგებლობს. ამ პოემამ არაერთი ადამიანი აღზარდა და ის სამარადჟამოდ სამაგიდო წიგნთა სიაში დარჩება.
შოთა რუსთაველის დაბადებიდან 850 წელი გავიდა, თითქმის ცხრა საუკუნე, ეს საიუბილეო თარიღი ნამდვილად გრანდიოზულად ჟღერს, ამასთან დაკავშირებით საქართველოს დავით აღმაშენებლის სახელობის უნივერსიტეტის, უნივერსიტეტშივე არსებული ლიტერატურული სალონის ,,ლაკმუსი’’-სა და მედიის სკოლის ინიციატივით დაიბეჭდა ეს მცირე ბუკლეტი, რომელშიც თავმოყრილია, როგორც ჩემი, ისე ამ ლიტერატურული სალონის წევრთა მხატვრულ-პუბლიცისტური წერილები (ნაშრომები, კვლევები), რომლებიც ვფიქრობ, კიდევ უფრო გაზრდის მკითხველთა ინტერესს რუსთველის მსოფლმხედველობისა და ,,ვეფხისტყაოსნის’’ კულტურული ესთეტიკის მიმართ.
ამ პროექტის განსახორციელებლად, უაღრესად დიდი სამსახური გაგვიწია საქართველოს დავით აღმაშენებლის სახელობის უნივერსიტეტის რექტორმა, ბატონმა თეიმურაზ ქორიძემ, რისთვისაც დიდ მადლობას ვუხდი მას. ასევე გულითადად ვუმადლი მედიის სკოლის დეკანს ქალბატონ ირმა სოხაძეს, სდასუ-ს ბილიოთეკას, ადმინისტრაციასა და თითოეულ იმ ადამიანს, რომელთაც თავიანთი წვლილი შეიტანეს ამ პროექტში.
-შალვა ბერიანიძე
(საქართველოს დავით აღმაშენებლის სახელობის
უნივერსიტეტის მედიის სკოლის ჟურნალისტიკის
მე-2 კურსის სტუდენტი და ლიტერატურული სალონი
,,ლაკმუსი’’-ს ხელმძღვანელი.)