გამაფრინე მთვარისაკენ
გამაფრინე მთვარისაკენ..
და
მათამაშე ვარსკვლავებში
ნება მომე, რომ შეგიგრძნო
მონებივრე ჩემს მკლავებში
მომატარე პლანეტები..
და
შენს გულში ღრმად მიმმალე
მომახვიე თავზე შენი
მზის სითბო და სიმხურვალე
შუა კოსმოსში მოტივტივე
ქვებს დაუწყე ჩემკენ ტყორცნა
სხვა სიტყვებით რომ აგიხსნა:
გთხოვ,
მაჩუქე ერთი კოცნა...
გამაფრინე მთვარისაკენ
და
მანახე გრძნობა დიდი
შენ ისეთი ბრწყინვალე ხარ
ვით ცაზე ასტეროიდი
მაღლა ცაში მზის სხივებთან
მეც მასწავლე ეგრე ფრენა
მაგრძნობინე,
როგორია
ტკივილი და აღმაფრენა
შენი უგზო სიყვარულის
ჩამითრიე შავ ორმოში
სულ არ მინდა,
რომ ვიცოდე,
თუ რა გველის ჩვენ ბოლოში
მინდა, რომ გალაქტიკაში
უგზო-უკვლოდ თან მატარო
მე სულ შენთვის მიჩუქნია
ეს სიტყვები,
ეს სამყარო
ერთი თანამგზავრი მყავხარ
ვარსკვლავთა მტვერივით ყარხარ
და
სხვა სიტყვებით რომ გითხრა
მარტივად:
მე შენ მიყვარხარ !!