წინასიტყვაობა რატომ ვწერ დღიურებს, განა ბედნიერი ცხოვრება მაქვს?! არა, ბედნიერ ცხოვრებას მოყოლა რად უნდა, – მისით უნდა დატკბე. მე კი ცხოვრებაში მხოლოდ დანაშაულის ყურება მიწევს. ჩემ ირგვლივ ყველგან დანაშაულია. ეს არის ჩემი თანამდევი. ერთი დღითაც კი არ მაძლევს მოსვენებას.
ცალკეულ დანაშაულზე არ მიყვარს თხრობა, – ვწერ ხოლმე, საერთოდ, ბოროტმოქმედებაზე, საკუთარ თავზე, სხვაზე – მრავალზე...
ფურცლებო, ალბათ, არც უნდა გამომექვეყნებინეთ. თქვენ ხომ ის გახსნილი სარკმლები ხართ, რომლებშიც შვებას ვაპოვნინებ ხოლმე გრძნობებს მძიმე წუთებში.