მამაკაცის სექსუალურ სცენარში ,,სექსი” – არა იმდენად სიამოვნებაა, ხანდახან ფარული და სამარცხვინო (მაგ, მასტურბაციისას), არამედ სამსახური, რომელიც მოითხოვს წარმატებას, დასასრულს, რამის მიღწევას (მაგ, ორგაზმის). მამაკაცის სხეული გარკვეულწილად ,,სექსუალური მანქანაა”, რომელიც ფასდება მისი შრომისუნარიანობის და ეფექტურობის მიხედვით.
ამასთან პირველ ადგილზე გამოდის ხარისხობრივი მაჩვენებლები – ქალების რაოდენობა და აქტების რიცხვი. როგორც ითქვა, მამაკაცური სექსუალობის მომატებული ექსტენსიურობა ნაწილობრივ ბიოლოგიურადაა განპირობებული. მაგრამ როგორც მატერიალური წარმოების სფეროში, სექსუალურ ცხოვრებაში ,,მეტი” არაა აუცილებელი იყოს ,,უკეთესი”. სექსუალური პარტნიორების და აქტების რაოდენობა იშვიათად გადადის ხაირსხში და როდი მოაქვს მაღალი სექსუალური კმაყოფილება. ხანდახან საწინააღმდეგოც შეინიშნება ხოლმე.
სუფა ფიზიოლოგიურ, რეპროდუქციულ დონეზეც კი, მამაკაცური ძალა ხშირად სისუსტედ იქცევა. ვინაიდან მამრი გამოიმუშავებს გაცილებით მეტ სპერმას, ვიდრე მდედრი – კვერცხუჯრედს, მისი სქესობრივი უჯრედები უფრო ხშირად და ჩქარა იყოფა. მაგრამ ყოველი ახალი უჯრედის გაყოფა რაიმე უმნიშვნელო დარღვევის, მუტაციის შესაძლებლობას აჩენს. ასაკთან ერთად ეს რისკი იზრდება, ამიტომ ასაკოვანი მამაკაცის შვილები უფრო ხშირად ატარებენ გენეტიკურ დარღვევებს. ამიტომ უკეთესია ჩასახოთ შვილები სანამ ახალგაზრდები ხართ, მაგრამ უფროსი მამაკაცი ფსიქოლოგიურად უფრო მეტადაა მზად მამის როლის შესასრულებლად.
სპერმის რაოდენობა, კონსისტენცია, ფერი, გემო, სუნი და სხვა თვისებები არა მხოლოდ სხვადასხვა მამაკაცშია განსხვევბული, არამედ ერთსა და იმავე მამაკაცშთან იცვლება პირობების მიხედით, კვების რაციონის ჩათვლით.
სხვათაშორის სპერმის ხარისხი სტერსის დროს უარესდება. ტესტოსტერონის დონის დაცემა და თესლის ხარისხის გაფუჭება ხშირად შეიმჩნევა საბრძოლო ვითარებაში, დაძაბული საქმიანი აქტიურობისას, სიკვდილით მისჯილებთან და სასჯელის ლოდინში მყოფებთან. იტალიელმა ენდოკრინოლოგებმა, რომლებიც 1 წლის მანძილზე შეისწავლიდნენ 10 მამაკაცს უშვილო წყვილიდან, სადაც ქალი ექვემდებარებოდა მკურნალობას, აღმოაჩინეს, რომ თუმცა ამასთან დაკავშირებული სტრესი არ აისახება მამაკაცის სექსუალურ ქცევაზე (ეროტიული წარმოსახვა, ერექციის ხარისხის სუბიექტური შეფასება, დილის ერექციების სიხშირე, სექსის ყოველკვირეული სიხშირე, დაკმაყოფილება, თელის გამოყოფის ხანგრძლივობა და ხარისხი), ის ამცირებს სპერმის რაოდენობას, სიმკვრივეს და მოძრაობის უნარს. ეს ნიშნავს იმას, რომ ქალის უშვილობის მკურნალობისას არ უნდა დაგვავიწყდეს ქმრის მდგომარეობაც. დროულად ვერ შემჩნეული სტრესს სრული ფიზიკური სიჯანსაღის მიუხედავად შეუძლია აქციოს მამაკაცი განაყოფიერებისადმი უუნარო.
ინსტრუმენტალურობის და შეჯიბრებითობის სტილის გამო, ბევრი მამაკაცი არ ენდობა საკუთარ განცდებს, მათ თავისი სექსუალური ,,ეფექტურობის” ობიექტური მტკიცებულება სჭირდებათ.
საკუთარი მასკულინობის ყველაზე წონად მტკიცებულებას მამაკაცი ქალისგან იღებს. ზუსტად ამიტომ ძალიან მნიშვნელოვანია ბიჭისთვის მისი პირველი სექსუალური გამოცდილება. ზრდასრული მამაკაცებიც ახალ პარტნიორებს ეძებენ და საყვარლებს იჩენენ არა მხოლოდ იმიტომ, რომ მრავალფეროვნების მოთხოვნილება დაიკმაყოფილონ, არამედ თვითდამკვიდრებისთვის: მე არ ვარ სხვებზე ნაკლები, არ დავბერებულვარ, შემიძლია...
მაგრამ მამაკაცი, რომელიც უპირველეს ყოვლისა თავისი ძალის დამტკიცებას ცდილობს, ინტიმურ სიახლოვეს უნებლიედ აქცევს გამოცდად და ხშირად ,,იჭრება” ამ გამოცდაზე ზუსტად იმიტომ, რომ არ გრძნობს თავს საკმარისად თავისუფლად და გახსნილად. მამაკაცების ერთ-ერთი ყველაზე გავრცელებული სექსუალური დარღვევა ე.წ. ,,შესრულების შფოთვაა”, ეჭვი საკუთარ ,,ხელობაში”. ბოლო ათწლეულებში ეს სინდრომი, რომელიც მსახიობების სირთულეებს გავს, უფრო ხშირად ჩნდება. რატომ?
სექსუალური ქცევის ტრადიციული მოდელი მთელ აქტიურობას, დაწყებული დაკერვით და დამთავრებული სქესობრივი აქტის ტექნიკით, მიაწერს მამაკაცს, ქალს კი პასიური ობიექტის როლს აკუთვნებს. მამაკაცი – ვიოლინოს დამკვრელია, ქალი კი – ვიოლინო, რომლისგანაც თავისი ტალანტის წყალობით და გრძელი და უძლეველი ჯოხის საშუალებით აღმოხდის დიდებულ ხმებს.
ეს მოდელი არასდროს შეესაბამებოდა რეალობას – სქესთა ურთიერთობა ლოგინში, ისევე, როგორც ცხოვრების სხვა სფეროებში, ყოველთვის უფრო პარტნიორული იყო, თუმცა ხშირად არათანაბარუფლებიანი. მაგრამ იმ საზოგადოებებში, სადაც ორმაგი სტანდარტი იყო გამეფებული და ქალის უმანკოება ქორწილამდე მკაცრად ინახებოდა, ამ მოდელში მაინც იყო გარკვეული აზრი. ბიჭები პირველ გამოცდილებას ბოზებთან ან გაცილებით უფროს ქალებთან იღებდნენ; ,,მოსწავლის” მდგომარეობა ასეთ სიტუციებში მამაკაცურ ღირსებას არ ულახავდა. ხოლო გამოუცდელ ცოლებს ყველაფერს თვითონ ასწავლიდნენ, კონკურენციის და ვიღაცეებთან არასასურველი შედარებების შიშის გარეშე.
ჩუქება
